"Eргyeт оскуолата yeрэх-билии аартыгар"

Оскуола сайдыытын кэрдиис кэмнэрэ

1969-71 cc. Дмитриев Владимир Иевич директордаабыта. Кини элбэх идеялаах, инициативалаах учуутал, оскуола yлэтин улаханнык сэргэхсиппитэ, математиканы билии таhыма yрдээбитэ. Владимир Иевич драматическай куруhуогар Толя Васильев (Yehээ Бyлyy народнай театрын артыыhа) Валерий Захаров, Наташа Петрова, Нина Саввинова, Наташа Захарова, Евсей Кононов дьарыктаммыттара. Кинилэр "Чипполино" спектакыллара ситиhиилээхтик барара.

1971-73 cc. киэн-куон ичигэс кылаастардаах, физкультурнай саалалаах, Ленскэй хостоох оскуола сана дьиэтэ yлэ5э киирэригэр директор Акимов Афанасий Петрович yгyстyк сyyрбyтэ-кeппyтэ. 1973с. 8-с кылааhы хайа да кэмнээ5эр элбэх о5о - 46 yeрэнээччи бyтэрбитэ.

1977 с. yлэ-хамнас Тойоку оскуолата тэриллибитэ 50 сыла туолар юбилейдаах сылыгар ананан барбыта. Оройуонна 8-с кылаастаах оскуолалар куоталаhыыларыгар Тойоку оскуолата бастаабыта. (директор -Андросов Егор Петрович) 1984-85сс. оскуола5а 9 кылаас, онтон 10 кылаас аhыллыбыта. "Муо5ан", "Тойоку-80" yлэ-сынньалан лаа5ырдара тэриллэн, ситиhиилээхтик yлэлээбиттэрэ. Салайаччылар - Абрахов А.А., Захаров В.К., Дмитриев В.Н. бастын yлэлээх, yeрэхтээх о5олор Киргизия5а, Латвия5а, Москва, Краснодар куораттарга кyyлэйдээн кэлбиттэрэ.

1988-90 cс. директорынан Осипова Матрена Васильевна yлэлээбитэ. Кини yлэлиир кэмнэригэр иитэр - yeрэтэр yлэ кyyhyрбyтэ. Дьо5урдаах yeрэнээччилэри кытта биирдиилээн предметтэргэ диринэтэн дьарыктаныы са5аламмыта. Учууталлар, иитээччилэр нэhилиэнньэ общественнай оло5ор кeхтeeхтyк кыттыылара тэриллибитэ. Оскуола территорията аныгы олох ирдэбилинэн тимир решетканан тупса5айдык эргитиллибитэ.

1990-2001 cc. Абрахов Дмитрий Афанасьевич директордаабыта. Улууска биир бастакынан математика учууталын Иосиф Иосифович Чагылысовтыын БК компьютердаах комплект кылаас тэрийбиттэрэ.

Биhиги оскуолабытыгар саамай уhуннук yлэлээбит, улахан-суолу ииhи хаалларбыт, о5о аймах да, нэhилиэнньэ, оройуон да ытыктабылын ылбыт кырдьа5ас учууталбыт Афанасий Афанасьевич Абрахов оскуола5а бэртээ5эй музейы тэрийэн, хомуйан хаалларбыт матырыйааллара нэhилиэк историятын киэнник сырдаталлар.

Yтye5э сирдиир ытык кыhабыт yyнyy сайдыы суолунан

2001 cылтан РФ yeрэ5ин туйгуна, СР "Гражданскай килбиэн", "Физкультура уонна спорт сайдыытыгар бэйэтин кылаатын иhин" бэлиэ хаhаайына Павлов Юрий Дмитриевич директордыыр. Кyн бyгyн педагогическай коллектив yлэтэ-хамнаhа инники кэскиллээх, сана сyyрээннэргэ туhаайыллан, yрдyк таhымнаахтык бара турар. Учууталлар 2007 -2008 yeрэх сылыттан агропрофильнай хайысхалаах программанан салайтаран yлэлииллэр. О5олор тыа сирин оло5ор бэлэмнээх улааталларыгар, бэйэлэрин бэйэлэрэ ииттинэр кыахтаах оскуоланы бyтэрэллэригэр туhаайан былааннаах yлэ ыытыллар.

Оскуола киэн туттуута - yeрэппит ыччатын ситиhиитэ

Оскуоланы yрyн кeмyс мэтээлинэн бyтэрбиттэрэ:

Оскуола5а yлэлиир "Тобул" yeрэнээччилэр научнай тэриллиилэрэ сылын аайы "Инники хардыы", "Тyyрк эйгэтэ" уонна да атын аа5ыыларга о5олору кичэйэн бэлэмниир. Аан дойдутаа5ы "Тyyрк эйгэтэ" конференция5а Федоров Денис "Тыгын Дархан" yлэтинэн, "Инники хардыы" республиканскай таhымыгар Саввинова Илиана кыттыбыта. Тюляхова Н. И., Николаева Л.В., Захаров И.М., Васильева Э.У. салайааччылардаах республиканскай "Бессоновскай аа5ыылар", "Кононовскай аа5ыылар" кыайыылаахтарынан буолбуттара Петров Афанасий, Андреев Эдуард, Вера Иннокентьева, Сахаайа Павлова.

Захарова Вера Дмитриевна салалтатынан 2005 сылга "Надежда" yнкyy ансамбыла тэриллибитэ. Утумнаах yлэ тyмyгyн ансамбыл "Хотугу сулус" телерадио конкурс улуустаа5ы, региональнай тyhyмэхтэригэр хас да тeгyллээн лаурет буолбуттара, республиканскайга дипломан yрдyк аатын ылбыттара туоhулуур. Бу конкурс 2007 сыллаах 1 степеннээх лауреттара Федоров Кеша, Федоров Коля дьиэ кэргэн сылыгар аналлаах 12-с республиканскай "Ыллаа - туой уол о5о" ырыа кyрэ5эр 2 степеннээх лауреат аатын ылары ситиспиттэрэ. Онтон Андрей Николаев "Кeрeeччyлэр биhирэбиллэрэ" номинация хаhаайына буолбута.

Федоров Дмитрий Дмитриевич салайар "Электромеханик" куруhуогар дьарыктанан Михайлов Слава, Федоров Айдар научнай чинчийэр бырайыактар бастакы республиканскай кyрэхтэригэр "Автомоделирование" номинация5а бастаабыттара. Иннокентьева София 2012 сылга Бyтyн Россиятаа5ы Н. Гумилев аатынан поэтическай конкурска 1 степеннээх дипломан буолары, онтон быйылгы Бyтyн Россиятаа5ы yeрэнээчилэр олимпиадаларын республиканскай тyhyмэ5эр нуучча литературатыгар 4 миэстэ5э тахсары ситистэ. София yрдyк ситиhиилэрэ - кини учууталлара Саха Республикатын yeрэ5ин туйгуннара Николаева У.С., Николаева Л.В. сыралаах yлэлэрин тyмyгэ буолар.

Yeрэнээччилэр сиэр-майгы, eй-санаа eттyнэн чeллeeх буоларга эрэ дьулуспаттар, доруобай, эт-хаан eттyнэнэн сайдыылаах буоларга тардыhаллар, спорт араас кeрyннэринэн утумнаахтык дьарыктаналлар, улуустаа5ы спортивнай комплекснай спартакиада5а сылын аайы ситииhиилээхтик кытталлар. Тренердэр, Захаров М.К., Павлова В.Н., Павлов Ю.Д., Былков Р.О., дьаныардаах дьарыктарын тyмyгэр 2009 сылга 3 миэстэни, 2012 сылга 1 миэстэни ылан yрдyк таhымнаах бэлэмнээхтэрин кeрдeрдyлэр. Тренер Павлов Ю. Д. хапса5айга уhуйуллааччылара Николаев Андрей, Баянаев Сахамин республика чемпионын yрдyк аатын ылары ситистилэр.

хомуйан онорбут «Yehээ Бyлyy улууhун Тойоку оскуолата: 70 сыл» кинигэттэн